16 красавіка 2015 г. – 80 гадоў з дня нараджэння (1935) Анатоля Канстанцінавіча Клышкі, пісьменніка, крытыка, перакладчыка, педагога, заслужанага работніка культуры Беларусі
Анатоль Канстанцінавіч Клышка нарадзіўся 16 красавіка 1935 года ў вёсцы Данейкі (цяпер Баранавіцкага раёна Брэсцкай вобласці) у сялянскай сям’і. Ад маці, Алесі Сцяпанаўны, вядомай у наваколлі песенніцы, зроблены многія фальклорныя запісы.
29 сакавіка 2015 г. – 65 гадоў з дня нараджэння (1950) Зінаіды Іосіфаўны Дудзюк, паэтэсы, драматурга, перакладчыцы, лаўрэата Літаратурнай прэміі імя У. Калесніка Брэсцкага аблвыканкама (2008)
Зінаіда Іосіфаўна Дудзюк нарадзілася 29 сакавіка 1950 года ў вёсцы Слабодка Браслаўскага раёна Віцебскай вобласці ў рабочай сям’і. У дзіцячыя гады разам з бацькамі жыла ў Расіі і на Украіне. У 1959 годзе бацькі Зінаіды пераехалі ў Белаазёрск Брэсцкай вобласці на будаўніцтва Бярозаўскай ДРЭС. Так яна апынулася ў маладым горадзе энергетыкаў, дзе ў 1966 годзе закончыла сярэднюю школу.
11 лістапада 2014 г. – 300 гадоў з дня нараджэння Марціна Матушэвіча (1714–1773), грамадскага і дзяржаўнага дзеяча Рэчы Паспалітай, пісьменніка-мемуарыста, перакладчыка
Марцін Матушэвіч нарадзіўся 11 лістапада 1714 года ў вёсцы Ельня Берасцейскага павета (цяпер вёска Радасць Камянецкага раёна Брэсцкай вобласці) у сям’і шляхціча. Свой род Матушэвічы вялі ад Гедройцаў, як малодшая лінія старога княжага роду герба Лебедзь, але збяднелі і сталі мелкай шляхтай. Бацька Марціна Юзэф Матушэвіч вярнуў свайму роду дастойнае становішча, выкупіў маёнтак Расна, пабудаваў у 1744 годзе кальвінскі збор (сабор), у 1749 годзе – манастыр і пачаў будаўніцтва касцёла Святой Ганны (закончылі будаўніцтва Грабоўскія). Сваё дзяцінства Марцін Матушэвіч правёў у Расне.
6 студзеня 2014 г. – 60 гадоў з дня нараджэння Уладзіміра Антонавіча Марука (1954–2010), паэта, перакладчыка, публіцыста
Нарадзіўся Уладзімір Антонавіч Марук 6 студзеня 1954 года ў вёсцы Гута Ганцавіцкага раёна Брэсцкай вобалсці ў сялянскай сям’і.
4 студзеня 2014 г. – 285 гадоў з дня нараджэння Іахіма Ігнацы Юзафа Храптовіча (Літавора-Храптовіча; 1729–1812), грамадска-палітычнага, дзяржаўнага і культурнага дзеяча ВКЛ, філосафа, публіцыста, паэта, перакладчыка
Іахім Ігнацы Юзаф Храптовіч нарадзіўся 4 студзеня 1729 года ў маёнтку Ясянец Навагрудскага павета (цяпер вёска Ясянец Гарадзішчанскага пасялковага Савета Баранавіцкага раёна Брэсцкай вобласці) у сям’і Марцыяна Храптовіча і Рэгіны Вайнянкі.
20 кастрычніка 2013 г. – 280 гадоў з дня нараджэння Адама Тадэвуша Станіслава Нарушэвіча (1733–1796), гісторыка, паэта, асветніка, перакладчыка, рэлігійнага дзеяча
Адам Тадэвуш Станіслаў Нарушэвіч нарадзіўся каля мястэчка Лагішын Пінскага павета ў збяднелай шляхецкай сям’і. Ахрышчаны ў Лагішыне як Адам Тадэвуш, з 1781 года карыстаўся імем Станіслаў. Вучыўся ў Пінскім езуіцкім калегіуме, дзе ў пятнаццацігадовым узросце ўступіў у ордэн езуітаў, у 1748–1754 гадах – у Віленскай акадэміі, у 1758–1762 гадах – у Ліёне (Францыя).
20 верасня 2013 г. – 70 гадоў з дня нараджэння Нiны Iосiфаўны Мацяш (1943, Бярозаўскi р-н – 2008), пiсьменнiцы, перакладчыцы, заслужанага дзеяча мастацтваў Беларусi, лаўрэата Лiтаратурнай прэмii iмя А. Куляшова (1984)
Ніна Іосіфаўна Мацяш нарадзілася 20 верасня 1943 года ў в. Нівы Бярозаўскага раёна Брэсцкай вобласці ў сялянскай сям’і.
10 ліпеня 2013 г. – 60 гадоў з дня нараджэння Васіля Якаўлевіча Сахарчука (1953–2003), паэта, журналіста, перакладчыка
Васіль Сахарчук нарадзіўся 10 лiпеня 1953 года ў вёсцы Свадзьбічы Бярозаўскага раёна Брэсцкай вобласці ў сялянскай сям’і.
22 мая 2013 г. – 70 гадоў з дня нараджэння Міколы (Мікалая Мікалаевіча) Федзюковіча (1943–1997), паэта, перакладчыка
Ёсць у Беларускім Палессі, на Драгічыншчыне Брэсцкай вобласці, непрыкметная, як сотні іншых, вёска Гутава, згадкі аб якой у пісьмовых крыніцах вядомы з 1502 года. Тут у сялянскай сям’і 22 мая 1943 года нарадзіўся вядомы беларускі паэт Мікола Федзюковіч.
7 сакавіка 2013 г. – 70 гадоў з дня нараджэння Алы Канстанцінаўны Кабаковіч-Тычына (1943–1985), літаратуразнаўца, паэтэсы, перакладчыка
Ала Канстанцінаўна Кабаковіч нарадзілася 7 сакавiка 1943 года ў сялянскай сям’і ў вёсцы Гутава Драгічынскага раёна Брэсцкай вобласці.